Goudmyn Tuisblad   'n GOUDMYN VIR AFRIKAANS-ONDERWYSERS VAKGROEP AFRIKAANS:  SKOOL VIR ONDERWYSOPLEIDING                                                                                 Fakulteit Opvoedkunde UNIVERSITEIT VAN PRETORIA

ELISABETH EYBERS

Saamgestel deur: Jadene Liebenberg; Koba Bezuidenhout; Jackie de Jager; Liezel Viljoen; Landi Kruger  

Elisabeth Eybers is op 16 Februarie 1915 in Klerksdorp gebore. Sy het grootgeword in Schweizer-Reneke. Haar vader was ‘n leraar van die Neder-Hervormde Kerk in Schweizer-Reneke. Elisabeth het haar skoolloopbaan voltooi en is op die ouderdom van 16 na die Universiteit van die Witwatersrand. Daar het sy B.A. studeer en sy behaal haar graad met onderskeiding. ‘n Redelike tyd lank beoefen Elisabeth joernalistiek. In 1937 trou sy met mnr A.J.J. Wessels. In 1934 en 1971 behaal sy die Hertzogprys vir poësie. Sy is ook die eerste Afrikaansr vrou wat die Hertzogprys gewen het. 

Elisabeth se eerste digbundel, Belydenis in die Skemering is in 1936 gepubliseer. In haar gedigte is daar baie herinneringsbeelde, droombeelde en die natuur as sinnebeeld te sien. Aanvaarding word ook uitgebeeld in haar gedigte. Die gedig “Maria” is die sterkste gedig in die bundel. 

Die titel van haar tweede bundelis Die Stil Avontuur. Die gedigte het baie te doen met innige liefde wat vervulling bereik in moederskap. Elisabeth het ook meer lewenswysheid. Die gedig “Lied van die Blinde” bevestig dit.

 Die Vrou en ander Verse is in 1945 gepubliseer en die gedigte gaan oor die dood van haar jeug, bv. die gedig “Herinneringe”. ‘n Vierde bundel van Elisabeth is Die Ander Dors wat in 1946 uitgereik is.   

Daar is nog ander digbundels deur Elisabeth uigegee, onder andere, Tussensang - 1950, Helder Halfjaar – 1956, Versamelde Gedigte -1957, Neerslag – 1958, Balans – 1962, Onderdak – 1965 en Kruis of Munt – 1973. 

Elisabeth Eybers se gedigte spreek met ‘n eie stem. Haar kuns word gekenmerk deur egtheid, soberheid, eenvoud en warme menslikheid.

Boontoe